ਅੱਜ ਦੀ Rajneeti Punjabi Poetry | ਲੋਕਾਂ ਦਾ ਦਰਦ ਅਤੇ ਸਿਆਸਤ ਦੀ ਸੱਚਾਈ

 

ਅੱਜ ਦੀ Rajneeti Punjabi Poetry | ਲੋਕਾਂ ਦਾ ਦਰਦ ਅਤੇ ਸਿਆਸਤ ਦੀ ਸੱਚਾਈ

ਅੱਜ ਦੀ ਰਾਜਨੀਤੀ ਪੰਜਾਬੀ ਕਵਿਤਾ | ਸਿਆਸਤ, ਲੋਕਾਂ ਦਾ ਦਰਦ ਅਤੇ ਟੁੱਟਦਾ ਭਰੋਸਾ

ਜਾਣ-ਪਛਾਣ

ਅੱਜ ਦੀ ਰਾਜਨੀਤੀ ਸਿਰਫ ਵੋਟਾਂ ਅਤੇ ਚੋਣਾਂ ਤੱਕ ਸੀਮਿਤ ਨਹੀਂ ਰਹੀ, ਇਹ ਆਮ ਲੋਕਾਂ ਦੀ ਜ਼ਿੰਦਗੀ, ਸੋਚ ਅਤੇ ਭਵਿੱਖ ਨੂੰ ਸਿੱਧਾ ਪ੍ਰਭਾਵਿਤ ਕਰ ਰਹੀ ਹੈ।ਲੋਕ ਇਸ ਨਾਲ ਪੂਰੇ ਇਮੋਸ਼ਨ ਤੇ ਦਿਮਾਗੀ ਤੌਰ ਜੁੜੇ ਹੋਏ ਹਨ। ਹਰ ਪੰਜ ਸਾਲਾਂ ਬਾਅਦ ਨੇਤਾ ਲੋਕਾਂ ਦੇ ਦਰਵਾਜ਼ਿਆਂ ਤੇ ਆਉਂਦੇ ਹਨ, ਵੱਡੇ-ਵੱਡੇ ਵਾਅਦੇ ਕਰਦੇ ਹਨ ਅਤੇ ਲੋਕਾਂ ਨੂੰ ਸੁਨਹਿਰੇ ਭਵਿੱਖ ਦੇ ਸੁਪਨੇ ਦਿਖਾਉਂਦੇ ਹਨ। ਪਰ ਚੋਣਾਂ ਖਤਮ ਹੋਣ ਤੋਂ ਬਾਅਦ ਉਹੀ ਲੋਕ ਆਪਣੇ ਹੱਕਾਂ ਲਈ ਦਰ-ਦਰ ਭਟਕਦੇ ਨਜ਼ਰ ਆਉਂਦੇ ਹਨ।ਰਾਜਨੀਤਿਕ ਨੇਤਾ ਇਸ ਤੋਂ ਆਪਣਾ ਭਵਿੱਖ ਸਵਾਰ ਲੈਂਦੇ ਹਨ ਪਰ ਲੋਕ ਉਥੇ ਦੇ ਉਥੇ ਹੀ ਰਹਿੰਦੇ ਹਨ।

ਅੱਜ ਦੀ ਰਾਜਨੀਤੀ ਵਿੱਚ ਸੱਚ ਘੱਟ ਅਤੇ ਦਿਖਾਵਾ ਜ਼ਿਆਦਾ ਹੋ ਗਿਆ ਹੈ। ਲੋਕਾਂ ਦੀਆਂ ਅਸਲ ਸਮੱਸਿਆਵਾਂ ਜਿਵੇਂ ਬੇਰੁਜ਼ਗਾਰੀ, ਮਹਿੰਗਾਈ, ਨਸ਼ੇ, ਕਿਸਾਨਾਂ ਦੀ ਪਰੇਸ਼ਾਨੀ ਅਤੇ ਸਿੱਖਿਆ ਦੀਆਂ ਮੁਸ਼ਕਲਾਂ ਅਕਸਰ ਸਿਆਸੀ ਭਾਸ਼ਣਾਂ ਹੇਠ ਦਬ ਜਾਂਦੀਆਂ ਹਨ। ਇਸ ਪੰਜਾਬੀ ਕਵਿਤਾ ਵਿੱਚ ਅੱਜ ਦੀ ਸਿਆਸਤ ਦਾ ਅਸਲੀ ਚਿਹਰਾ, ਲੋਕਾਂ ਦਾ ਦਰਦ ਅਤੇ ਟੁੱਟਦਾ ਭਰੋਸਾ ਦਰਸਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ।ਰਾਜਨੀਤੀ ਦਾ ਅਸਲ ਨਾਮ ਹੀ ਰਾਜ ਕਰਨ ਦੀ ਨੀਤੀ ਹੈ। ਲੋਕਾ ਦਾ ਭਰੋਸਾ ਜਿੱਤ ਕੇ ਭਰੋਸੇ ਤੇ ਖਰਾ ਨਾ ਉਤਰਨਾ ਉਸ ਨੂੰ ਦਰਸਾਉਦੀਆ ਕਵਿਤਾਵਾਂ ਦਾ ਆਨੰਦ ਮਾਣੋ।

 

ਅੱਜ ਦੀ ਰਾਜਨੀਤੀ ਪੰਜਾਬੀ ਕਵਿਤਾ

ਸਿਆਸਤ ਦੇ ਬਦਲਦੇ ਰੰਗ

ਕੁਰਸੀਆਂ ਲਈ ਲੜਦੇ ਵੇਖੇ,
ਉਹ ਲੋਕਾਂ ਨੂੰ ਹੀ ਭੁੱਲਦੇ ਵੇਖੇ।
ਜਿਨ੍ਹਾਂ ਹੱਥਾਂ ਨੂੰ ਫੜ ਕੇ ਜਿੱਤੇ,
ਉਹੀ ਹੱਥ ਅੱਜ ਖਾਲੀ ਵੇਖੇ।

ਚੋਣਾਂ ਵੇਲੇ ਘਰ-ਘਰ ਆਉਂਦੇ,
ਝੂਠੇ ਸੁਪਨੇ ਸਭ ਨੂੰ ਦਿਖਾਉਂਦੇ।
ਕੁਰਸੀ ਮਿਲਦੀ ਰੰਗ ਬਦਲ ਜਾਂਦੇ,
ਫਿਰ ਲੋਕਾਂ ਨੂੰ ਹੀ ਸਮਝਾਉਂਦੇ।

ਲੋਕੀ ਘੁੰਮਣ ਭੁੱਖਣ ਭਾਣੇ,

ਨੇਤਾ ਢਿੱਡ ਭਰ ਘੁੰਮਦੇ ਵੇਖੇ

ਆਪਣੇ ਘਰ ਨੂੰ ਸਭ ਨੇ ਸਿਆਣੇ।

 

ਆਮ ਲੋਕਾਂ ਦਾ ਦਰਦ

ਰੋਜ਼ ਮਹਿੰਗਾਈ ਵਧਦੀ ਜਾਵੇ,
ਗਰੀਬ ਬੰਦਾ ਦੱਸੋ ਕਿਥੋਂ ਖਾਵੇ।
ਜਿਸ ਘਰ ਚੁੱਲ੍ਹਾ ਮੁਸ਼ਕਲ ਬਲਦਾ,
ਉਥੇ ਕੌਣ ਸਿਆਸਤ ਗਾਵੇ।

ਬੱਚਿਆਂ ਦੀ ਪੜ੍ਹਾਈ ਪਈ ਰੁੱਕਦੀ,
ਮਾਪਿਆਂ ਦੀ ਨੀਂਦ ਵੀ ਜਾਂਦੀ ਉੱਡਦੀ।
ਸਿਆਸਤਦਾਨ ਸਟੇਜਾਂ ਉੱਤੇ ਹੱਸਦੇ,
ਲੋਕਾਂ ਦੇ ਸੁਪਨੇ ਦਿਸਣ ਖੁਸਦੇ।

ਰਾਜਨੀਤਿਕ ਬੰਦੇ ਕਰੋੜਾ ਕਮਾ ਗਏ,

ਲੋਕਾ ਦੀ ਮਿਹਨਤ ਵੀ ਖਾ ਗਏ।

ਗਰੀਬ ਬੰਦੇ ਦਾ ਕੁਝ ਨਾ ਬਣਿਆ,

ਨੇਤਾ ਪੈਸੇ ਨਾਲ ਹਰ ਕੋਨਾ ਭਰਿਆ।

 

ਰਾਜਨੀਤੀ ਅਤੇ ਨੌਜਵਾਨ

ਨੌਜਵਾਨੀ ਅੱਜ ਭਟਕ ਰਹੀ ਏ,
ਰੁਜ਼ਗਾਰ ਲਈ ਤੜਫ ਰਹੀ ਏ।
ਡਿਗਰੀਆਂ ਹੱਥਾਂ ਵਿੱਚ ਫੜ ਕੇ,
ਹਰ ਰੋਜ਼ ਕਤਾਰਾਂ ਵਿਚ ਖੜੀ ਏ।

ਕਿਸੇ ਨੂੰ ਨਸ਼ੇ ਨੇ ਡਬੋ ਕੇ ਰੱਖ ਦਿੱਤਾ,
ਕਿਸੇ ਨੂੰ ਵਿਦੇਸ਼ਾਂ ਨੇ ਵੰਡ ਲੀਤਾ।
ਜਿਸ ਦੇਸ਼ ਨੂੰ ਜਿਨਾ ਨੇ ਸੀ ਸਵਾਰਨਾ,
ਉਹਨਾ ਨੌਜਵਾਨ ਨੂੰ ਧਰਮਾਂ ਵਿੱਚ ਤੋੜ ਦਿੱਤਾ।

 

ਸਿਆਸੀ ਵਾਅਦੇ ਤੇ ਹਕੀਕਤ

ਵਾਅਦੇ ਹਰ ਮੰਚ ਉੱਤੇ ਹੁੰਦੇ,
ਪਰ ਕੰਮ ਕਦੇ ਨਜ਼ਰ ਨਾ ਆਉਂਦੇ।
ਜਿਨ੍ਹਾਂ ਨੂੰ ਲੋਕ ਰੱਬ ਸਮਝ ਬੈਠੇ,
ਉਹ ਵੀ ਸਿਰਫ ਗੱਲਾਂ ਕਰ ਜਾਂਦੇ।

ਸੜਕਾਂ ਟੁੱਟੀਆਂ, ਸਕੂਲ ਪਏ ਰੁੱਲਦੇ,
ਹਸਪਤਾਲ ਦੇ ਵੀ ਹਾਲਤ ਮਾੜੇ ਕਰਤੇ।
ਪਰ ਟੀਵੀ ਉੱਤੇ ਸਭ ਕੁਝ ਚੰਗਾ,
ਇਹੀ ਦਾਅਵੇ ਨੇਤਾ ਕਰਦੇ।

 

ਕਿਸਾਨਾਂ ਦੀ ਪੀੜ

ਧੁੱਪਾਂ ਵਿੱਚ ਜੋ ਖੇਤ ਸਵਾਰੇ,
ਉਹੀ ਕਿਸਾਨ ਅੱਜ ਪਏ ਮਾਰੇ-ਮਾਰੇ।
ਕਰਜ਼ਿਆਂ ਹੇਠਾਂ ਦੱਬਦੇ ਵੇਖੇ,
ਸੁਪਨੇ ਵੀ ਹੁਣ ਟੁੱਟ ਗਏ ਸਾਰੇ।

ਅੰਨਦਾਤਾ ਰੋਵੇ ਚੁੱਪ-ਚਾਪ,
ਕਿਸੇ ਨੂੰ ਨਹੀਂ ਉਸਦਾ ਅਹਿਸਾਸ।
ਸਿਆਸਤ ਵਾਲੇ ਮੰਚ ਸਜਾਉਣ,
ਪਰ ਨਾ ਸੁਣਨ ਕਿਸਾਨਾਂ ਦੀ ਆਵਾਜ਼।

 

ਧਰਮ ਅਤੇ ਰਾਜਨੀਤੀ

ਧਰਮ ਦੇ ਨਾਂ ਤੇ ਲੋਕ ਗਏ ਵੰਡੇ,
ਦਿਲਾਂ ਵਿੱਚ ਨਫਰਤ ਦੇ ਬੀਜ ਗਏ ਬੀਜੇ।
ਜਿੱਥੇ ਪਿਆਰ ਦੀ ਗੱਲ ਹੋਣੀ ਸੀ,
ਉਥੇ ਲੋਕ ਇਕ-ਦੂਜੇ ਨਾਲ ਲੜਦੇ ਦਿਸੇ।

ਰੱਬ ਦਾ ਨਾਂ ਵੀ ਵਰਤਿਆ ਜਾਂਦਾ,
ਵੋਟਾਂ ਲਈ ਸਭ ਕੁਝ ਕੀਤਾ ਜਾਂਦਾ।
ਇਨਸਾਨੀਅਤ ਪਿੱਛੇ ਰਹਿ ਜਾਂਦੀ ਏ,
ਸਿਆਸਤ ਅੱਗੇ ਸਭ ਝੁਕ ਜਾਂਦਾ ਏ।

ਜਿੱਤਣਾ ਹੀ ਉਨਾ ਲਈ ਜਰੂਰੀ,

ਬਾਕੀ ਸਭ ਲੱਗਦਾ ਏ ਜੀ ਹਜੂਰੀ।

ਕੰਮ ਦੀਆ ਗੱਲਾਂ ਭੁੱਲ ਜਾਂਦੇ ਨੇ,

ਲੋਕੀ ਧਰਮ ਦੇ ਨਾ ਤੇ ਡੁੱਲ ਜਾਂਦੇ ਨੇ।

ਮੀਡੀਆ ਅਤੇ ਸੱਚਾਈ

ਸੱਚ ਦੀ ਆਵਾਜ਼ ਦਬ ਜਾਂਦੀ ਏ,
ਝੂਠੀ ਖਬਰ ਹੀ ਚਲ ਜਾਂਦੀ ਏ।
ਜੋ ਲੋਕਾਂ ਦਾ ਦਰਦ ਵਿਖਾਉਂਦੇ,
ਉਹਨਾਂ ਦੀ ਗੱਲ ਹੀ ਰੁਕ ਜਾਂਦੀ ਏ।

ਕਈ ਚੈਨਲ ਸਿਰਫ ਵਿਕਦੇ ਨੇ,
ਸੱਚ ਨੂੰ ਵੀ ਮੋੜ ਕੇ ਦਿਖਦੇ ਨੇ।
ਲੋਕਾਂ ਦੇ ਸਵਾਲਾਂ ਦੀ ਥਾਂ ਤੇ,
ਝੂਠੇ ਮੁੱਦੇ ਹੀ ਚੱਲਦੇ ਦਿਖਦੇ ਨੇ।

 

ਪੰਜਾਬ ਦੀ ਹਾਲਤ

ਪੰਜਾਬ ਕਦੇ ਖੁਸ਼ਹਾਲ ਸੀ ਹੁੰਦਾ,
ਹਰ ਚਿਹਰਾ ਖੁਸ਼ਹਾਲੀ ਚੁੰਮਦਾ।
ਅੱਜ ਉਹੀ ਪੰਜਾਬ ਪਿਆ ਰੋਂਦਾ ,
ਹਰ ਘਰ ਕੋਈ ਦਰਦ ਪਿਆ ਸਹਿਲੋਂਦਾ।

ਨਸ਼ੇ, ਕਰਜ਼ੇ ਤੇ ਬੇਰੁਜ਼ਗਾਰੀ,
ਬਣ ਗਏ ਨੇ ਵੱਡੀ ਬਿਮਾਰੀ।
ਜਿਸ ਧਰਤੀ ਨੇ ਹੀਰੇ ਜੰਮੇ,
ਉਥੇ ਅੱਜ ਕਿਉਂ ਛਾਈ ਪਈ ਲਾਚਾਰੀ?

 

ਲੋਕਾਂ ਦਾ ਟੁੱਟਦਾ ਭਰੋਸਾ

ਲੋਕ ਹੁਣ ਸਵਾਲ ਪੁੱਛਦੇ ਨੇ,
ਨੇਤਾਵਾਂ ਉੱਤੇ ਘੱਟ ਵਿਸ਼ਵਾਸ ਕਰਦੇ ਨੇ।
ਹਰ ਵਾਅਦਾ ਹੁਣ ਖਾਲੀ ਲੱਗਦਾ,
ਲੋਕ ਵੀ ਹੁਣ ਸਮਝਦਾਰ ਬਣ ਗਏ ਨੇ।

ਸੱਚ ਇਕ ਦਿਨ ਸਾਹਮਣੇ ਆਉਣਾ,
ਝੂਠ ਦਾ ਚਿਹਰਾ ਵੀ ਡਿੱਗ ਹੀ ਜਾਣਾ।
ਜੋ ਲੋਕਾਂ ਨੂੰ ਲੁੱਟਦੇ ਫਿਰਦੇ,
ਉਹਨਾਂ ਨੇ ਵੀ ਇਕ ਦਿਨ ਫਿਰ ਪਛਤਾਉਣਾ।

 

ਰਾਜਨੀਤੀ ਤੇ ਪੰਜਾਬੀ ਸ਼ਾਇਰੀ

ਕੁਰਸੀ ਲਈ ਜੋ ਲੜਦੇ ਨੇ,
ਲੋਕਾਂ ਦਾ ਦਰਦ ਨਾ ਪੜ੍ਹਦੇ ਨੇ।
ਜਿਨ੍ਹਾਂ ਹੱਥਾਂ ਨੇ ਰੋਟੀ ਦੇਣੀ,
ਉਹੀ ਹੱਥ ਅੱਜ ਖਾਲੀ ਭਖਦੇ  ਨੇ।

ਸੱਚ ਦੀ ਆਵਾਜ਼ ਦਬ ਸਕਦੀ ਏ,
ਪਰ ਕਦੇ ਇਹ ਮੁੱਕ ਨਹੀਂ ਸਕਦੀ।
ਲੋਕਾਂ ਦੀਆਂ ਦੁਆਵਾਂ ਅਤੇ ਹੰਝੂ,
ਇਕ ਦਿਨ ਇਤਿਹਾਸ ਬਦਲ ਸਕਦੀ ਏ।

ਨੌਜਵਾਨਾਂ ਲਈ ਸੁਨੇਹਾ

ਅੱਜ ਦੇ ਨੌਜਵਾਨਾਂ ਨੂੰ ਸਿਆਸਤ ਦੀ ਸੱਚਾਈ ਨੂੰ ਸਮਝਣ ਦੀ ਲੋੜ ਹੈ। ਸਿਰਫ ਸੋਸ਼ਲ ਮੀਡੀਆ ਦੀਆਂ ਗੱਲਾਂ ਜਾਂ ਝੂਠੇ ਵਾਅਦਿਆਂ ਦੇ ਆਧਾਰ ਤੇ ਫੈਸਲੇ ਨਹੀਂ ਕਰਨੇ ਚਾਹੀਦੇ। ਪੜ੍ਹਿਆ-ਲਿਖਿਆ ਅਤੇ ਜਾਗਰੂਕ ਨੌਜਵਾਨ ਹੀ ਦੇਸ਼ ਅਤੇ ਸਮਾਜ ਨੂੰ ਬਦਲ ਸਕਦਾ ਹੈ।ਨੌਜਵਾਨ ਪੀੜੀ ਨੂੰ ਅੱਗੇ ਵਧਾਉਣ ਦਾ ਕੰਮ ਕਰਦਾ ਹੈ ਇਸ ਲਈ ਨੋਜਵਾਨ ਨੂੰ ਨਸ਼ੇ ਛੱਡ ਕੇ ਜਾਗਰੂਕ ਹੋ ਕੇ ਅੱਗੇ ਵਧਣਾ ਚਾਹੀਦਾ ਹੈ ਤੇ ਰਾਜਨੀਤੀ ਵਿੱਚ ਪੜੇ ਲਿਖੇ ਨੌਜਵਾਨਾ ਨੂੰ ਅੱਗੇ ਆ ਕੇ ਦੇਸ਼ ਨੂੰ ਸੰਵਾਰਨਾ ਚਾਹੀਦਾ ਹੈ।

ਜੇ ਲੋਕ ਸੱਚ ਅਤੇ ਇਮਾਨਦਾਰੀ ਨੂੰ ਵੋਟ ਦੇਣ ਲੱਗ ਜਾਣ ਤਾਂ ਰਾਜਨੀਤੀ ਵਿੱਚ ਵੀ ਬਦਲਾਅ ਆ ਸਕਦਾ ਹੈ। ਲੋਕਤੰਤਰ ਦੀ ਤਾਕਤ ਲੋਕਾਂ ਦੇ ਹੱਥਾਂ ਵਿੱਚ ਹੁੰਦੀ ਹੈ ਅਤੇ ਜਦੋਂ ਲੋਕ ਜਾਗਦੇ ਹਨ ਤਾਂ ਵੱਡੀਆਂ ਤੋਂ ਵੱਡੀਆਂ ਸਰਕਾਰਾਂ ਵੀ ਬਦਲ ਜਾਂਦੀਆਂ ਹਨ।

 

ਅੰਤਿਮ ਸ਼ਬਦ

ਅਸੀਂ ਉਮੀਦ ਕਰਦੇ ਹਾਂ ਤੁਹਾਨੂੰ ਇਹ “ਅੱਜ ਦੀ ਰਾਜਨੀਤੀ ਪੰਜਾਬੀ ਕਵਿਤਾ” ਪਸੰਦ ਆਈ ਹੋਵੇਗੀ। ਇਸ ਕਵਿਤਾ ਵਿੱਚ ਅੱਜ ਦੀ ਸਿਆਸਤ, ਆਮ ਲੋਕਾਂ ਦੇ ਦਰਦ, ਨੌਜਵਾਨਾਂ ਦੀ ਹਾਲਤ ਅਤੇ ਟੁੱਟਦੇ ਭਰੋਸੇ ਨੂੰ ਸ਼ਬਦਾਂ ਰਾਹੀਂ ਦਰਸਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ।

ਜੇ ਤੁਹਾਨੂੰ ਇਹ ਪੰਜਾਬੀ ਕਵਿਤਾ ਚੰਗੀ ਲੱਗੀ ਹੋਵੇ ਤਾਂ ਇਸਨੂੰ ਆਪਣੇ ਦੋਸਤਾਂ ਨਾਲ ਜ਼ਰੂਰ ਸਾਂਝਾ ਕਰੋ ਅਤੇ ਹੋਰ ਪੰਜਾਬੀ ਕਵਿਤਾਵਾਂ, ਸ਼ਾਇਰੀ ਅਤੇ ਸਮਾਜਿਕ ਵਿਸ਼ਿਆਂ ਨਾਲ ਜੁੜੀਆਂ ਪੋਸਟਾਂ ਲਈ ਸਾਡੇ ਬਲੌਗ ਨੂੰ ਫਾਲੋ ਕਰਦੇ ਰਹੋ।

 

Related Posts

Motivational Poetry

OPEN Poetry

SUFI Shayari

TrendingPunjabi Poetry

 

Tags

ਅੱਜ ਦੀ ਰਾਜਨੀਤੀ

ਪੰਜਾਬੀ ਕਵਿਤਾ

Political Punjabi Poetry

Punjabi Shayari

ਸਿਆਸਤ ਤੇ ਕਵਿਤਾ

Punjabi Motivation

ਪੰਜਾਬ ਦੀ ਰਾਜਨੀਤੀ

Social Punjabi Poetry